ВО СКАЛА ПРОДАВНИЦА СО ИРИНА ТОШЕВА

Секој четврток во СКАЛА ПРОДАВНИЦА, во соработка со FWSK x ONLYAFEW, претставуваме по еден дизајнер и бренд кој ја популаризира свесната и одржлива мода.

Со пар кликови секој може да порача дизајнерско парче и за помалку од седум работни дена истото ќе биде доставено на домашна адреса.

________
________

За себе велам…

Дека сум неуморен сонувач и голем работник. Помалку зборување, повеќе делување.

Зад себе носам…

Големо искуство во најразлични модни проекти со едукативен, еколошки и социјален карактер. Благодарение на модата „поместив планини и поврзав долини“.

Пред себе гледам…

Големи планови и предизвици. Разиграна македонска модна сцена, поголема почит и желба за купување локални производи, (не)совршено одржлив живот во секој аспект и полни насмеани срца.

Од себе давам…

Максимум во сѐ што работам. Особено важна ми е професионалноста, точноста и посветеноста. Често размислувам и целам како преку она што го работам да влијаам на другите, пренесувајќи им одредени вредности и различни пораки.

Кај себе имам…

Прекрасна фамилија и љубимка, инспиративни пријатели, успешни соработници и задоволни клиенти, кои секојдневно ме мотивираат и инспирираат.