Најпопуларната Скалаџиска рубрика „На скалички со“ е совршено место за раскажување креативни размисли низ уметничкиот развој на нашите млади уметници, дизајнери, автори.

Преку 60 направени интервјуа и полни порфолија со проекти во изминативе две ипол години сведочат за тоа колку оваа рубрика има потенцијал да стане простор за сите оние кои сакаат и имаат што да покажат.

★

Конкурсот е отворен, и трае до 15 март. Важи и за сите оние што веќе биле дел од рубриката.

★

Со овој јавен повик сакаме да Ве поканиме да ни се придружите со вашите идеи! Ќе бидат одбрани 5 автори: дизајнери, сликари, фотографи, актери, режисери, визуелни и сценски артисти. Одбраните автори ќе имаат задача да ја развијат својата идеја до конечно дело/а, коешто ексклузивно ќе биде претставено во рубриката „На скалички со“. Процесот на авторот ќе биде менториран, но и дополнително потпомогнат во продукцискиот дел од Школата за дизајн и уметност „Скала “[поранешно „Џолев и уметностите“]. Дополнително делата ќе се промовираат и продаваат на Скала-продавницата.

Погледнте ги сите објавени разговори и портфолија од рубриката: тука другари!

★ Придружи ни се и качи се скалa повисоко!

★