СКАЛА ПРЕПОРАЧУВА: Концерт на Дуке Бојаџиев

Скалаџики и скалаџии во недела [8 мај] сме на езерце во градски парк, на отворен концерт на Дуке Бојаџиев. Ставете во ранче шише вода и во срце радост - журката започнува во 20:00ч. Да се видиме!

Делегацијата на ЕУ и Europe House Скопје, во соработка со меѓународно признатиот македонски филмски композитор, музички продуцент и пијанист Дуке Бојаџиев го одбележуваат 9 мај - Денот на Европа. На специјалната вечер во градскиот парк во Скопје, Дуке и неговите еминентни гости, двајца раскажувачи и 20-члениот оркестар на Македонската филхармонија ќе ги изведат најновите дела од неговиот опус, дополнети со нови музички композиции инспирирани од професионалниот и приватен престој на Дуке во Франција и Шпанија во изминатиов период. Перформансот e спој на неговата оркестарска и филмска музика, фузија на традиционални вибрации од балканскoтo и медитеранскoто музичко поднебје, поддржани со нарација на вечната љубовна поезија на Руми на македонски и албански јазик. Уникатно искуство за Денот на Европа, проследено со мултикултурна музичка прослава на љубовта, мирот и единството.

 Музичари:  
 Дуке Бојаџиев - пијано/клавијатури/вокал  
 Специјални гости:  
 Бахрамџи - сантур/вокал  
 Медуса Одисеј - два диџеи/гитара/перкусии  
 Миријам и Иса - вокал  
 Наташа Петровиќ - раскажувач  
 Амернис Ноксиќи - наратор  
 + 20-член оркестар составен од членови на Македонската филхармонија, под диригентство на Ана Спасовска  

[Во текот на идната недела, следува интервју со Дуке]

Дуке Бојаџиев е еден од најзначајните македонски композитори со  импресивна меѓународна кариера. По дипломирањето на престижниот  Беркли Колеџ во 2001 година, се сели во Њујорк каде ја гради својата  интернационална кариера како композитор на филмска музика, музички  продуцент и пијанист. Дуке има работено со имиња како оскаровците  Џонатан Деми и Данис Тановиќ. Неговата музика е дел од рекламните  кампањи на врвни светски брендови, (Peugeot, Anna Sui, L`oreal, L`ancome,  Mercedes, Chrysler), ТВ серии (Martha Stewart, Moment Of Luxury, Guiding  Light) и ексклузивни мултимедија презентации (W hotel, Vera Wang, Vanity  Fair). 

Од позначајните музички соработки се издвојуваат тие со Telepop  Music, Cyndi Lauper, Asia Argento, Blue Man Group, The Ciyzens Bend, Gina  Gershon. Бојаџиев зад себе има повеќе албумски изданија, а неговата  музика може да се најде на бројни светски компилации.  
Дуке има настапувано низ целиот свет во дворани како Карнеги Хол  (Њу Јорк), Чиприани Балрум (Њу Јорк), Авалон Театар (Лос Ангелес),  Антички Театар (Охрид).