На 15.07 во 18ч. ќе биде прикажан мултимедијалниот перформанс МАНИФЕСТ 2 на платото пред Only Fools and Horses во Штип. Перформанс низ видео нарација и поезија ќе се чујат стихови и извадоци од домашни автори и автори од светската литература.
Видео нарација и реализација се на Теа Беговска и Енес Беговски кој се појавува и како автор на музиката. Како актер се појавува Рујиш Беговска, режисер и автор е Суад Беговски. Репризните изданија публиката ќе има можност да ги види во месец октомври 2022 година.
Револуција. Актерката (главниот лик) донесува конечна одлука – да го крене својот глас против машкиот свет; да се спротивстави на исконската доминација на мажот; да се соочи со него, како главен и единствен креатор на човековиот живот на оваа планета. Конечно, да му го врати назад “реброто“ од кое е создадена ТАА – првата жена.
Жената не произлегува од ребро. Жената произлегува оттаму од кај што е произлезен и мажот. Произлегуваат истовремено.
Револуцијата започнува во театар, на сцена… за почеток.
Крупен залог. Храбар чекор. Романтичарски потез. Прометејски замав.Овој перформанс е повик за револуција – “Да му се одземе привилегијата на мажот да биде главен фактор на сцена… и во животот. Да му се одземе правото тој да одлучува “да се биде или не“. Проектот е поддржан од Министерсво за Култура на РСМ.
