SKALA MAGAZINE #XXXII
1 – 30 ЈУНИ
[целата агенда e подолу во написот]
Здраво Скалаџии! Ако не ве држи место денес, еве добра тема за размислување! Да ви раскажам зошто токму оваа тема. Како „тазе“ пишувачки уредник во Скала магазин, сакам да зборуваме и создаваме токму во насока на овој збор, кој опфаќа вселенски важно чувство, многу блиско до она со кое се идентификувам. За тие што не ме знаат, јас сум Ана и пишувам поезија меѓу другото : )
луѓе сме што тргнувајќи по немирот
вртат само обичен круг околу себе
*извадок од една моја песна, кога сонував дека сум морнарка
1. МЕСЕЧНА ТЕМА: НЕМИР Замисли си немир. Како изгледа? Каква боја има? Дали зборува или молчи? Дали има форма(т)? Во толковниот речник на македонскиот јазик, зборот „Немир“ значи беспокојство, состојба на вознемиреност, незадоволство, револт. Од немирот произлегуваат многу нешта. Но, ајде да не го гледаме само како на состојба која нужно носи негативно значење. Немирот е најмногу од сѐ процес кој води до нешто. Создавање, во нашиов контекст. Пре-родување, раслојување, стигнување, ослободување. Немирна љубов, немирна рака, немирен ум, немирно дете. Сите овие форми се една убава прегратка што би ја дефинирала како ПОСТОЈАН РАСТ. Зошто немир? Е ајде де. Како што животот создава прилики и неприлики, така мирот и немирот се во некаква спрега, каде немирот ме соборува, но не ме победува. Креативниот, создавачкиот немир е она што е постојана водилка, она што ги движи мислите и ми го окупира секојдневието. Да се биде немирен, значи да се гледа, набљудува, да се слуша активно, да се тропка со пенкалцето, да се брза на состанок, но... Истовремено да се биде свесен дека тоа е начин со кој ние како луѓе, сме во активен процес и стигнување некаде. Неминовен процес е креативниот, оној кој е наш двигател, причина за нашата работа и достигнување некакво подобро согледување на животот и нештата. Немирот всушност, води кон остварување. Тој е првиот импулс и последниот здив. 2. НАСЛОВНА СТРАНА: ЈОВАН ЈОСИФОВСКИ Токму во таа насока, правиме еден „скок“ во немирна вода – отсега, Скала своите насловни [во следните 12 месеци] ќе ги создава и негува во прв план со творештвото на еден автор. Наместо лице, ќе гледаме дело кое вибрира во или околу темата. Овојпат, честа за отворање на оваа тема ја има Јован Јосифовски. 3. ПРОМЕНА НА УРЕДУВАЧКА СТРУКТУРА И ПОЛИТИКА [НАРЕДНИТЕ 12 МЕСЕЦИ] Новиот тим носи нови идеи! Со третата генерација скалаџии и скалаџики, три месеци ќе разработуваме една тема. Со цел доволно време, темата да се разгледа од повеќе социјални и дигитални аспекти и формати. Ќе воведеме нови рубрики и нови начини на социјално дејствување, зближување и размена на креативните искуства и размисли. 4. ДОБРО УТРО: КРЕАТИВЦИ Се наспавте? : ) Останете (не)мирни. P.S. Купете си Скала-печатено издание - сите тајни на овој универзум се запишани таму. Добро утро на сите.
Ваша, Ана Голејшка Џикова Главен пишувачки уредник.
1 – 30 ЈУНИ
СРЕДА • 01.06.2022
12:00 / 2 Години Скала магазин
ЧЕТВРТОК • 02.06.2022
12:00 / Настани / Импресии / Добро утро креативци / Саем за креативни индустрии
ПЕТОК • 03.06.2022
12:00 / Подкаст / Парк шема / со Дени Омерагич
— —
ПОНЕДЕЛНИК • 13.06.2022
12:00 / Насловна страна / бр. 32
ВТОРНИК • 14.06.2022
10:00 / Meнторски осврт / Разговор со / Андреј Игњатовски и Петар Марковиќ / Музика
СРЕДА • 15.06.2022
12:00 / Менторски осврт / Ѓоко Здравески / Тема: немир
ЧЕТВРТОК • 16.06.2022
12:00 / Настани / Импресии / Филозофски филмски фестивал / Филм
ПЕТОК • 17.06.2022
12:00 / Видео / читАНКА 005 / со Ана Голејшка Џикова
— —
ПОНЕДЕЛНИК • 20.06.2022
12:00 / Отворен повик / VI Скала изложба / Визуелни уметности
ВТОРНИК • 21.06.2022
12:00 / Настани / Неделен културен информатор / Култура и уметност
СРЕДА • 22.06.2022
12:00 / Менторски осврт / Разговор со / Милош Б. Андоновски / Театар
ЧЕТВРТОК • 23.06.2022
12:00 / Новата сцена / На скалички со / Марта Патлиџанковска / Сликарство
ПЕТОК • 24.06.2022
12:00 / Видео / Podcast: Парк шема / Ристо Солунчев / Музика
— —
ПОНЕДЕЛНИК • 27.06.2022
/
ВТОРНИК • 28.06.2022
12:00 / Настани / Неделен културен информатор / Култура и уметност
СРЕДА • 29.06.2022
/
ЧЕТВРТОК • 30.06.2022
12:00 / Новата сцена / Писмо од дијаспората / Натали Башоски / Фотографија
ПЕТОК • 01.07.2022
12:00 / Видео / Podcast: Парк шема / Дарко Поповски / Музика
— —
* Сите содржини [написи] ќе бидат објавени и линкувани во закажаниот термин.
* Во текот на месецот дополнително ќе бидат објавени написи кои не се најавени во рамки на насловните информации.
НАСЛОВНА СТРАНА
ИЛУСТРАЦИЈА: Јован Јосифовски
ТЕМА: Немир
РЕДАКЦИЈА
ГЛАВЕН И ОДГОВОРЕН УРЕДНИК: Дејан Џолев
ЗАМЕНИК УРЕДНИК: Елена Божиновска
ПИШУВАЧКИ УРЕДНИК: Ана Голејшка Џикова
УРЕДНИК НА ФОТОГРАФИЈА: Антонио Станков
УРЕДНИК НА ДИЗАЈН: Андреј Павлов
ВЕБ ДЕВЕЛОПЕР: Георгиј Голабоски
ЛЕКТОР: Николче Јакимовски
ФИНАНСИСКИ И ПРАВНИ РАБОТИ:
Оливера Матакова
Кристина Крагујевска
[цела редакција – прочитај тука]
